Plantun de Prouvènço

Pèr coumpara dos planto d'encò nostre

Mercurialis perennis & Rumex arifolius

Mercurialis perennis

Euphorbiaceae

Noms en français : Mercuriale vivace, Mercuriale des montagnes.

Descripcioun :
Aquéu mercuriau es uno planto renadivo que trachis subretout dins li fourèst umido de blacas o de faiard. Fai de fueio larjo (1,5-4 cm) e proun verdo. Es uno planto emé un rizoumo que pòu curbi de gràndi surfàci. Li flour masclo e femello soun pourtado pèr de pèd dessepara (planto diouïco).

Usanço :
Es uno planto proun purgativo que caup de mouleculo empouisounanto (sapounino, metilamine ...) e que fau dounc s'en mesfisa.

Port : Erbo
Taio : 10 à 50 cm
Fueio : alterno
Tipe bioulougico :
Cicle bioulougico : Planto renadivo

Gènre : Mercurialis
Famiho : Euphorbiaceae

Coulour de la flour : Verdo
Petalo : ges
Ø (o loungour) flour : 2 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Faio - Blachiero - Bos fres
Estànci : Mesoumediterran à Mountagnard
Couroulougi : Éuropenco-Caucasiano
Ref. sc. : Mercurialis perennis L., 1753

Acètou

Rumex arifolius

Polygonaceae

Àutri noum : Acèti, Aigreto.

Noms en français : Rumex à feuilles d'arum, Rumex alpestre.

Descripcioun :
L'acétou o l'acèti coume se dison lis eigreto en mountagno (J.-L. Domenge in LMT, op.cit. p. 60) , trachis dins li relarg à rousage e li faio. Es uno planto proun proche de Rumex acetosa, coumuno en basso Prouvènço, pamens a de fueio pu larjo que dounon d'èr à li dóu sangueiroun .

Usanço :
Coume lis àutris eigreto, es uno planto manjadisso (tian, meleto...), pamens fau pas trop n'en manja malodi l'acide óussali qu'èi marrit pèr li rèn. La planto èi peréu vertuouso (vèire çai-souto).

Port : Grando erbo
Taio : 0,3 à 1 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae

Ordre : Caryophyllales

Coulour de la flour : Verdo
Petalo : 3
Ø (o loungour) flour : 4 à 8 mm
Flourido : Printèms - Estiéu

Sòu : Ca
Autour basso e auto : 400 à 2300 m
Aparado : Noun
Jun à avoust

Liò : Relarg à rousage - Prado à rousèu - Faio - Camin
Estànci : Mountagnard à Aupen
Couroulougi : Éurosiberiano
Ref. sc. : Rumex arifolius All., 1773 (= Rumex alpestris Jacq., 1762 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Mercurialis perennis & Rumex arifolius

ges

RRR

Coumpara Mercuriau(-renadiéu) emé uno autro planto

Coumpara Acètou emé uno autro planto